воскресенье, 6 апреля 2014 г.

Наньжин 1937 он – Хүчирхийлэлд өртсөн хот

Японы хааны торгон цэргийн онцгой нэгэн чадвар бол хүний толгойг нэг цавчилтаар авч хаях арга барил юм. 

1937 онд япон цэргүүд хэн олон хятад хүн хороохоороо уралдсан ч гэдэг. Тухайн үед Наньжин хот руу дайрсан япон цэргээс хятад цэргүүд хамаагүй олуулаа байсан ч сөрж боссонгүй. Япончууд Наньжингийн эмс хүүхнүүдийг үй олноор нь хүчирхийлжээ. 

Дэлхийн 1-р дайнд оролцоогүй япончууд ган төмөр, бөс бараагаа наймаалж ихээхэн баяжсан юм. Гэтэл дайн дуусч япон барааны эрэлт хэрэгцээ эрс буурчээ. Хэдхэн жилийн дотор хүн ам нь даруй хоёр дахин өсч, хоол хүнс тариалах газар нутгийн төлөө Хятад руу цөмрөн оров.

Ингээд 1931 онд төмөр замаа дэлбэлж үүндээ хятадуудыг буруутган Манжуурыг эзэлж аваад 1932 онд Тоглоомын Манж Го улсыг байгуулжээ.  Тухайн үед Япончууд Манжийн сүүлчийн хаан Айсиньгёро Пу И-г Манж Го улсын хаанаар өргөмжилсөн байлаа. 

1937 оны 7-р сарын 7-нд япончууд Хятадтай дайн зарлаж, 8-р сард Шанхайг эзлэв. Чан Кайши ЗХУ-аас ихээхэн тусламж эрсэн ч Сталин 3500 цэргээ илгээж, зэр зэвсгээр тусалжээ. 1937 оны 11-р сарын сүүлээр Наньжин хот руу 200 000 япон цэрэг дайрсан бөгөөд тухайн үед хотод 700 000 гаруй хятад цэрэг байсан гэдэг. Зэр зэвсэг, сум нь 5 сар бүслэлтэнд суухад хүрэлцэхүйц байж. Гэтэл Наньжин хот дөрөвхөн хоногийн дараа бууж өгсөнд түүхчид өнөө хэр гайхширдаг.

Хааны ордон музейн эд өлгийг 12-р сарын 2 гэхэд нилэнхүйд нь боож баглаад хотоос гаргаж, төрийн дээд албан тушаалтнууд, тэр дундаа Чан Кайши онгоцоор дүрвэсэн юм.

Хятад цэргүүд өөр аялгатай, ихэнх нь хүчээр татагдаж ирсэн учраас байлдах хүсэлгүй байсан гэдэг. Зугтсан ч Хөх мөрөнг сэлж гатлах аргагүй болсон хэдэн зуун мянган хятад цэргүүд япончуудад олзлогджээ. Чан Кайши цэрэг офицеруудаа эцсийн эцэст бууж өг гэсэн ч япончуудтай хэлцэл хийхийг тас хорьсон нь ийн хүчирхийлэлд өртөхөд ч нөлөөлсөн аж.

Японы цэргийн генерал Иванэ Мацуигийн архаг туберкулёз хөдөлж, хааны удмын Ясухико Асака-д эзлэгдсэн хотод нэвтэрч орох үүрэг оногдуулсанд мань хүн 12-р сарын 13-нд бууж өгсөн 300 000 гаруй хятад цэргийг хороох шийдвэр гаргажээ. 

Бууж өгсөн хулчгар хятад цэргүүдийг хооллосон дорвол япон хүүхдүүдээ хооллох нь хамаагүй илүү хэмээн үзэх аж. Цэргүүдийн мөрний эрэгт цааш гаргана хэмээн авчраад хэсэг хэсгээр нь хороов. Үүний сацуу айл хунараар орж, хөвгүүд, залуусыг цэрэг эсэхээс нь үл хамааран буудах болжээ. Тэр үест Хөх мөрний ус улаанаараа эргэсэн гэдэг.

Эгнүүлэн жагсаасан цэргүүдийг эхний эгнээнийх нь толгойг цавчиж, хоёр дахь эгнээний эрчүүдээр цогцсыг нь усанд урсгаж улмаар өөрсдийг нь хорооно.

Чингээд эмс хүүхнүүдийг нь хүчирхийлж эхэлжээ. Гудамжинд бүсгүйчүүдийг хэд хэдээр нь жагсааж байгаад хэдэн арван япон цэргүүд хүчиндэж байсныг тухайн үед Наньжинд байсан Америк эмч ярьсан байна.

Генерал Мацуигийн бие нь дээрдэж, хотод орж ирмэгцээ нөхцөл байдлыг дор нь ойлгов. Офицеруудаа хатуу донгодож, хариуцлага тооцох тушаал буулгажээ. 1948 онд цэргийн шүүхээр дүүжлүүлэх ял авсан Мацуи буддын хуврагт “Офицеруудаа цуглуулж эрс шүүмжлэхэд бүгд намайг шоолж байсан” хэмээн хүүрнэжээ. Хааны удмын Асаки хунтайж хожмоо ямар ч ял зэм хүртээгүй юм.
Цэргүүдэд үйлчлэх янхны газрыг 1938 онд Наньжинд байгуулсан байдаг. Хятад эмэгтэйчүүд олон жил дуугүй явж, тавин жилийн дараа л амьд үлдсэн зарим хэд нь Японы засгийн газраас нөхөн олговор нэхсэн түүхтэй. Олон ч эмэгтэй япон цэргийн үр хүүхдийг төрүүлсэн ч ихэнх хүүхдээ төрсөн даруйд нь цааш нь харуулсан гэлцэнэ.
Энд дарж баримтат киног нь үзнэ үү.

4 комментария:

  1. Харгислалыг зөвтгөх гээгүй ч ХХ зуунд хятадад тохиосон тэр олон дайн дажин болоогүйсэн бол тэд өнөөдөр магад 3 тэрбум гаруй хүн амтай байхсан. Бурханы номоор амьд хүн бүхнийг энэрэх ёстой гэж сургадгийг зөв гэж боддог ч бүгд тийм байвал дэлхий олон хүний хүслийг даахгүй шүү дээ. Хүн хүнээ л гээд байх юм бол энэ дэлхийд хүнээр л хүнс хийхээс өөр аргагүй болно. Хэт их тооны хүн амтай үндэстэн бусад жижиг үндэстнүүдийнхээ амьдрах эрхэнд үргэлж сөргөөр нөлөөлдгийн том жишээ нь хятад улс. Тэдний хүн ам болж л өгвөл цөөрч байвал эх байгальд л хэрэгтэй,

    ОтветитьУдалить
  2. Япончууд Хятадад аймшигтэй хэрэг их үйлдсэн. 737-р лаборатори гэж нэг аймшгийн газар байдаг. Мөн Японы харгислалын тухай өгүүлсэн "Үхэл амьдралын хот" гэж кино бий бас л аймаар түүхийг өгүүлнэ. Мөн үүнээс гадна алдарт найруулагч Жан Имоугийн "дайны цэцэгс" гээд кино бий Хятад хүүхнүүдийн хувь заяаны тухай. Хятадын ард түмэн Япончуудын дарлалд бас л их зовсон улс даа.

    ОтветитьУдалить
  3. Аан тийм кино байдаг юм уу? Олж үзнэ ээ.

    ОтветитьУдалить
  4. Яаг үнэнийг хэлхэд бид хэнийг ч хэн ч гэж шүүмжлэх эрхгүй болсон. Хүний дотор нуугдаж буй тэр аймшигт араатан сэтгэлгээ зөвхөн дайны цагт л ил тод болдог.

    ОтветитьУдалить

Ремарк Порто Ронкод байхдаа хайрт бүсгүй Марлен Дитрихдээ энэхүү захиаг бичжээ

Добавьте подпись Саруулхан өрөөнд минь төгөлдөр хуурын намуухан аялгуу эгшиглэнэ. Пянзны тавиур дээр өрөөстэй Чарли Кунцын хориод пянз...