четверг, 27 февраля 2014 г.

Гайхалтай фото зурагнууд

Австралийн Хөх ууланд орших "Сүм" хэмээх хавцал
Шаргал навчит моддоор бүрхэгдсэн Японы уулсын оргил
Аляскийн цагаан баавгай
Доминикан улсын “Сьерра-де-Баоруко” үндэсний хүрээлэн
Наполеоны сүүлийн он жилээ үдсэн Ариун Еленагийн аралд орших энэ шатыг аль 1829 онд барьжээ. Нийт 699 гишгүүртэй, 200 м-ийн өндрөөс урууддаг шат аж.
Санкт-Петербургийн Мойка голын үзэмж
Исландийн Хар эрэг нь усанд идэгдэж нунтаглагдсан галт уулын элсэн чулуулаг ихтэй учраас ийн харагдах ажээ.
Малайзын Борнео аралд байх "Гунун Мулуна" хүрээлэн нь карстын этгээд сонин тогтоцтой.
Камчаткийн нуур
Бирм улс
Исландийн жижигхэн тосгоны дэргэдүүр хөвөн өнгөрөх мөсөн уул
Австралийн хадат тогтоц
Орос дахь калийн уурхай. Улаан судал нь калийн давс буюу калий хлорид, цагаан нь энгийн давс, хар нь шавар чулуулаг ажээ. 
Аргентиний Пинтурас голын хавцалд байх Куэва-де-лас-Манос агуйд 800 гаруй алганы хээ буужээ. Хамгийн эртнийх нь МЭӨ 9-р зуун, хожуу үеийнх нь МЭ-ний 10-р зуунд хамрана.
Канадын Фанди боомт
Гренландийн Мөсөн хавцал
Сицилид байх “Турк шат” нь шат хэлбэртэй цагаан өнгийн хад юм.

пятница, 21 февраля 2014 г.

Украины жирийн нэгэн иргэний ил захидал

Майданы тухай Оросын нэгэн блог дээр гарсан ил захидлыг та бүхэндээ хүргэе. Эхийг энд дарж үзнэ үү.

Би Оросын ард түмэнд үнэн мөнийг хүргэх гэсэндээ энэхүү ил захидлыг бичиж сууна. Өчигдөрхөн оросууд Украинд үүссэн нөхцөл байдлын талаар хэдий эндүү ташаа ойлголттой байгааг мэдээд ийн үзэг цаас нийлүүллээ. 

Би Киевт ирээд даруй 7 жил болжээ. Хоёр хүүхэдтэй, багш мэргэжилтэй. Украинд болж буй үйл явдал нь үнэндээ төр засаг, сөрөг хүчнийхний мөргөлдөөн гэхээсээ илүүтэй огт ондоо зүйл юм. Янукович Ерөнхийлөгчөөр сонгогдоод 4 жил боллоо. Чингэхдээ багахан хувиар ялж, зүүн бүсийн мужуудад ихээхэн луйвар хийснийг олон түмэн мэднэ ээ. Ингээд Үндсэн хуулинд өөрчлөлт оруулж, эрх ямбаа үлэмж нэмээд, 35 тэрбум долларын зээл авсан. Сонгуульд өрсөлдсөн нэгнээ гүтгэж, шоронд хийсэн юм. Энэ 4 жилд Украин ёстой л сөхөрсөн. Бизнес эрхэлж, татвар төлөх, уран бүтээл туурвих ямар ч боломжгүй боллоо. 
 
Эрүүл мэнд, боловсрол, соёл, нийтийн аж ахуйн салбар нэг мөр унасан. Гэтэл Януковичийн хүү гэнэтхэн л хэдэн тэрбум долларын хөрөнгөтэй нь мэдэгддэг юм байна. Януковичийн зардал Обама, Путин хоёрын дараа гуравт орох болж. Энэ нь өдөрт 2 сая доллар гэсэн үг шүү дээ. Ингээд хагас жилийн өмнөөс л Европын холбоотой хэлцэл хийчихвэл энэ бүх асуудал шийдэгдэнэ гэх болсон. Өдөр болгон л энэ тухайгаа ярьдаг байлаа. Гэтэл гарын үсэг зурахаас ганцхан өдрийн өмнө хэлцэл хийхээ болилоо гээд үүнийгээ олигтойхон ч тайлбарлачихаагүй.

Киевийн Майданд хэдэн зуун мянган иргэн жагссан нь үнэндээ Европын холбоонд орох гэж улайрсандаа бус амь зуулгаа сайжруулах гэсэндээ л тэр. Хэдэн өдөр жагсаад 500-гаад хүн үлдсэнд Украины “Беркут”-ын тусгай албаныхан халдаж, хүмүүсийг гудамжаар хөөж барих болсон. Олон ч хүн Михайловын сүмд орж хоргодсонд улс амьтан дахиад л хилэгнэж жагсав. Жагссан ард иргэд рүү дайрсан этгээд, баривчлах тушаал өгсөн албан тушаалтантай хариуцлага тооц гэж шаардсан л даа. Хүмүүс хотын захиргааг бүчиж эзэлсэн. Гэхдээ л тэр үед Януковичийг огцор гээгүй л байлаа. Арав хоногийн дараа цагдаагийнхан дайрлаа. Ингээд сарын турш Майдантай холбоотой гэх хүмүүсийг барьж, эрүүдэж, цааш нь харуулах болсон юм. 

Хотоор нэг “титушки” гэх дээрэмчид тэнүүчилж, буруу зөрүү харагдсан нэгэн рүү дайрна. Үүнээс хойш сарын дараа Януковичийн депутатууд хэд хэдэн хууль баталсан нь Майданы босогчдыг гэмт хэрэг үйлдсэн гээд 15 жилийн хорих ял төлөвлөсөн байж. Гэтэл Янукович таг чиг. Жагсагчид тэртээ тэргүй 15 жилийн ял авах юм чинь гээд цөхөрсөндөө засгийнхны хороолол руу дайрсан юм. Донецк, Крым мужид л үймээн гараагүй. Үнэндээ Украин салах гээгүй ээ.
Янукович балмагдсандаа тэр бүх хуулиа цуцалж, Засгийн газраа огцруулаад, зөвшилцөл хийсээр сар болов. Гэтэл энэ сарын турш Майданыг цэвэрлэх гэж Оросын цэргүүдийг бэлтгэж байж. Уржигдар Ерөнхийлөгчийн эрх ямбыг хязгаарлах, шинэ Ерөнхий сайд томилох Радын чуулган хуралдах байлаа. Жагсагчид Радын талбайд тайван жагсаал хийхээр очиход өнөөх “титушки”-нууд, беркутчууд тосч аваад чулуу нүүлгэж, зодож нүдсэн. Байшингийн дээврээс резинэн сумаар буудаж, Молотовын коктейль шидэлсэн юм. Ингээд жагсагчид тарахад Майдан руу дайрч. 
 
Ерөөсөө бүх зүйлээ төлөвлөсөн байна билээ. Метронуудыг хааж, засмал замуудыг томоо бетонон блок, камазаар хашсан байлаа. Хотын төвийн тогийг тасалсан. Майданыг 2 цагт цэвэрлэж дуусгаад, маргааш өглөө нь хотоо чөлөөлөх бодолтой байсан юм билээ. Беркутынхан усан буу, боолттой гранат ашигласан ч Майданыг дийлсэнгүй. Украины Дотоод яам “титушки” гэх зандалчдад зэвсэг тарааж, тэд нь гудамж хорооллыг сүйдэлж, энд тэндгүй машин тэрэг шатааж, дэлгүүрүүдийг тонож эхэлсэн дээ. Энэ шөнө Майданыг дарсан бол юу болох байсныг мэдэхгүй юм. Гэсэн ч Майданыхан бууж өгсөнгүй. Өчигдөр гэхэд Украины бараг тэн хагас нь бослоо. Метро ажиллахгүй л байна. Зэвсэглэсэн титушкинууд хааяагүй сүйдэлсээр. 

Беркутынхан, цагдаагийнхан улс амьтныг барьж, зодож занчсаар л байна. Шархдсан улсыг эмнэлгээс нь бариад л хаашаа ч юм бэ аваад явах юм. Өнөөдөр беркутынхан автоматтай болчихож. Саявтархан Майдан дээр мэргэн буудагч хэдэн арван хүнийг буудлаа. Янукович дотоодын цэргээ дуудаж байгаа. Өчигдөр л гэхэд наян хүн нас барж, мянгаад хүн шархдсан дуулдана лээ. Хийн гранат хаа сайгүй дэлбэлснээс ихэнх нь гар хөлгүй болж түлэгдсэн байдалтай. Эмнэлгүүд пиг дүүрэн. Титушкинууд түргэний машин, эмч нар луу ч дайрч байна.
Янукович эрх мэдлээ авч үлдэх гэсэндээ л энэ бүхнийг сэдсэн гэж бодогдох юм.

понедельник, 17 февраля 2014 г.

Берлинале 2014

        
         Энэ жилийн Берлиний кино наадамд нийт 200-гаад кино оролцжээ. Үүний дундаас Хятадын найруулагч Дяо Инаний найруулан тавьсан “Black coal, thin ice” (白日焰火) хэмээх детектив кино “Алтан баавгай”-г хүртсэн байна. Киноны гол дүүрийг бүтээсэн Ляо Фан шилдэг эрэгтэй жүжигчнээр тодорчээ. 

          Энэхүү кинонд цагдаагийн хуучин ажилтан Хятадын хойд нутагт гарах хэд хэдэн аллагыг мөрдөх ажээ. 

          Зурган дээр киноны гол дүрийн жүжигчид болох Ляо Фан, Гвей Лунмэй.

      Америкийн найруулагч Ричард Линклейтер “Өсвөр үе” киногоороо “Мөнгөн баавгай”-г хүртжээ. Харин шилдэг эмэгтэй жүжигчнээр Японы “Бяцхан байшин” кинонд тоглосон Хару Куроки шалгарсан байна.
    Кино урлагт оруулсан хувь нэмрийг нь үнэлж Хятад-Францын хамтарч бүтээсэн “Массаж” хэмээх киноны зураглаач Зянь Зэнд тус наадмын тусгай шагналыг хүртээж. Нэг ёсондоо Азийнхан өнгөлсөн наадам болжээ.

среда, 12 февраля 2014 г.

Уле-Эйнар Бьорндален

   Норвегийн биатлончин Уле-Эйнар Бьорндален нь өдгөө 40 настай бөгөөд Олимпийн 7 алтан медальтай, ДАШТ-д 19 удаа түрүүлсэн биатлоны спортын домогт тамирчин билээ. Солт Лейк ситид болсон 2002 оны Өвлийн олимпд тэрбээр авч болох биатлоны бүхий л төрөлд буюу 4 тэмцээнд алтан медаль хүртэж, үнэмлэхүй амжилт тогтоосон түүхтэй.
     Ингээд “Esquire” сэтгүүлд өгсөн ярилцлагыг нь та бүхэнд хүргэе.


         АЛИВААД ЦАГ ЯМАГТ ТЭРГҮҮЛЭХ шиг барьцгүй зүйл энэ хорвоод үгүй ээ.
      МАНАЙХ ТАВАН ХҮҮХЭД, ЕСӨН ҮНЭЭТЭЙ ЖИРИЙН Л НОРВЕГИ АЙЛ. Заримдаа үнээнүүдээ хүүхдүүдээсээ илүү анхаарах нь бий.
      ОЛСОН ДЭЭР САЙН ЯВДГИЙГ МИНЬ тэр бүр хүн мэдэхгүйд хааяадаа гонсойх шиг болдог доо. Багадаа спортын гэрэл зурагчин болох хүсэлтэй байлаа. Бүр зургийн аппарат авч байж билээ.
    БАЛЧИР БАЙХЫН Л ЦАГ БАРЬЖ СУРСАН учраас болзсон цагаасаа таван хором хоцроход л тэвдэнэ шүү.
        БИ АЛИВАА ТЭМЦЭЭНД ДӨРӨВТ ОРОХ ясны дургүй.
      Ихэнх хүмүүс түрүүлэхэд хоолны дэглэм барих нь чухал гэдэг ч би л хувьдаа дуртай бүхнээ иддэг. Нэг удаа хоёр уут чипс, лааз кола уучихаад гараанд гарсан юмдаг. Тэр өдөр түрүүлсэн л дээ.
        Миний хувьд архи дарс тийм ч муу муухай зүйл биш. Гол нь тунгаа тааруулах хэрэгтэй. Би гэхэд 12-тойдоо уухгүй гэж шийдсэн. Тэгээд ч архи дарсанд шунаж явсангүй.
     ТЭМЦЭЭН УРАЛДААНД БИЕ ХАА ЧУХАЛ Ч гэлээ, эд хэрэгслийг басаж болохгүй шүү.
      БИАТЛОНД АВАРГАЛЪЯ ГЭВЭЛ буугаа таван хуруу шигээ л мэдэх учиртай. Жишээ нь, шөнө босгоод бууны нэг эд ангийг бариулахад тэр дор нь л ямар эд анги болохыг нь торолгүй хэлж сурах хэрэгтэй дээ.
        Энд тэнд тэмцээн уралдаанаар аялж явахдаа тоос сорогч заавал авч явдаг даа. Зочид буудлын өрөөний хивс хивсэнцэрүүдийг өөрөө цэвэрлэсэн нь дээр. Багийн маань ахлах тамирчид ч ингэдэг байлаа.
          Тэмцээн уралдаанд цас мөсний буруу гэж байхгүй ээ.
          Би хувьдаа морь унаж явахдаа их л эмээдэг шүү. 
          ТАМИРЧНЫ ХУВЬД ӨВДӨЖ БОЛОХГҮЙ учраас би хүнтэй гар барихаас зайлсхийдэг юм. Норвегт гар барихгүй байхад төвөггүй ч бусад оронд харин ч нэг хэцүү дээ.
   ӨӨРӨӨСӨӨ ХУВЬ ИЛҮҮ ХҮМҮҮСТЭЙ Л АЖИЛЛАХ ХЭРЭГТЭЙ. Тэгж гэмээнэ л өсч дэвжинэ.
       Архи дарс, тансаг байдал, сүүн бүтээгдэхүүнгүйгээр би өлхөөн амьдарчихна.
         ИТАЛИЙН УУЛ УС, ХООЛ УНД нь таалагддаг болохоор би энд амьдардаг. Гэхдээ би чинь норвег хүн шүү дээ. Элэг нэгтнүүддээ татагдах нь мэдээж. Норвегууд европынхон шиг тансаглаж, баян хоосны ялгаа гаргадаггүй. Алдар нэртэй нэгэн Норвегт байхад ерөөсөө хүндрэлгүй. Гудамжинд зураг хөргийг чинь дарж, гарын үсэг авна гэж дайрахгүй шүү. Их эелдэг улс. Харин европчууд бол өөр. Саяхан халуун зунаар нэг хүн намайг цанан дээр нь гарын үсэг зурж өгөхийг гуйж билээ.

Коловратын домог

Оросын домогт баатар Евпатий Коловрат нь Рязанийн ноён, эс бөгөөс цэргийн жанжин байжээ. Бат хаан Рязанийг буулгаж авсан тухай домогт түү...